Ribeira acolleu a presentación do nº 8 da revista “Follas Novas” de estudos rosalianos

19 Abril 2024

A Fundación Rosalía de Castro presentou no Centro Cultural Lustres Rivas de Ribeira o número 8 da revista de estudos rosalianos Follas Novas, fíxoo nun acto que contou coa presenza do director da revista, Xosé Luís Axeitos; o presidente da Fundación Rosalía, Anxo Angueira; a profesora Pilar García Negro; o alcalde de Ribeira, Luís Pérez Barral e o segundo tenente de alcalde Francisco Suárez-Puerta.

No oitavo número de Follas Novas, que patrocina o Concello de Ribeira inclúense artigos e investigacións de diversos expertos na vida e obra de Rosalía e de Murguía, como Uxío Breogán Diéguez (UDC), Adrián Estévez (RAG), Aurora López e Andrés Pociña (Universidade de Granada), Mariña Paradelo, Diego Rodríguez, Xosé Luís Axeitos, Pilar G. Negro e Simón Vicente, Diego Rivadulla, Ana Acuña e Margarita Viso.

A temática vai desde a proxección mediática de Murguía en Galicia e na emigración, a presenza rosaliana nos proxectos Wikimedia, a pegada rosaliana en Italia, a loucura e o xénero en dúas novelas de Rosalía, e as autotraducións das obras rosalianas. entre outros temas.

O rexedor, Luís Pérez, destacou que o acto salda unha “débeda histórica” que o Concello de Ribeira tiña coa Fundación á hora de “promover os estudos, coñecemento e divulgación da vida e obra dunha das autoras máis importantes da literatura galega.”

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

Publicidade

Revista en papel

Opinión

“El Estado soy yo”. Manuel Dominguez

“El Estado soy yo”. Manuel Dominguez

 Es una frase apócrifa que Luis XIV de Francia habría pronunciado el 13 de abril de 1655 ante el Parlamento de París, a los dieciséis años de edad No obstante, tal frase no consta en las actas de las reuniones del Parlement, por lo que se duda que tal anécdota...