A Garda Civil detivo ao condutor que, o venres pola tarde, foi visto circulando en dirección contraria pola Autovía do Barbanza e cunha taxa de alcol tres veces superior ao límite permitido.
O home, de 38 anos, deu negativo nas probas de drogas, pero nas de alcol rexistrou un nivel de 0,79 mg/l en aire expirado en ambas as probas.O incidente ocorreu pouco despois das 20:00 horas, cando o servizo de emerxencias 112 recibiu varias chamadas de particulares alertando sobre un vehículo que circulaba en sentido contrario pola AG-11, no quilómetro 23, en dirección a Padrón polos carrís destinados a Ribeira.
Finalmente, ao redor das 20:17 horas, unha patrulla do COS de Padrón localizou ao condutor detido na saída do quilómetro 17 da autovía, no municipio de Rianxo, onde se atopaba tamén a patrulla de tráfico de Santiago. As dilixencias están a ser levadas a cabo polo equipo de atestados do Subsector da Coruña, por un presunto delito de condución temeraria e superación dos límites de alcol permitidos.
