Este mércores 10 de abril continúan en Boiro as actividades do Ciclo de Faladoiros “Coidando” (Mércores formativos en Boiro), cos que a Asociación AGADEA, o Concello e a Escola Galega de Saúde teñen o obxectivo de achegar á veciñanza recursos, coñecementos e metodoloxías para mellorar a súa calidade de vida. A nova cita celebrarase este mércores 10 ás 17.00 horas no Centro Social de Abanqueiro, e xirará arredor das Claves da alimentación en persoas con alzhéimer.
A xornada será impartida pola nutricionista Uxía Rodríguez Lavandeira, e está organiza por AGADEA en colaboración co Concello e a Escola Galega de Saúde.
As inscricións para asistir poden facerse a través da conta de correo cdiaribeira@xunta.gal ou no whatsapp 633 018 389.
A seguinte cita será o mércores 15 de maio e xirará arredor das vantaxes para a saúde física e mental da práctica da musicoterapia, baixo o epígrafe O poder da música. Será impartida polo experto na materia Tomás Rábago.
Máis información na web da Asociación AGADEA, www.agadea.org.
Este cursos achegan ás persoas asistentes un diploma oficial da Escola Galega de Saúde do SERGAS.
