A Casa da Cultura de Boiro vai acoller este domingo 14 de abril a proxección do filme Uno para todos, no marco do programa de cinema familiar educativo. Será ás 19.00 horas.
Uno para todos é unha película española de 2020 dirixida por David Ilundain, estreada o 26 de outubro de 2020 e protagonizada por David Verdaguer, Patricia López Arnaiz e Ana Labordeta.
A película narra a historia dun profesor interino que asume a tarefa de ser titor dunha clase de sexto de primaria nunha vila de Aragón completamente descoñecida para el. Cando descobre que ten que reintegrar a un alumno enfermo na aula, atópase cun problema inesperado: case ningún dos seus compañeiros quere que volva a clase.
