A Asociación de Veciños de San Xoán de Laíño en Dodro convoca unha mesa redonda (este sábado) sobre a instalación da macrocelulosa da Ulloa

10 Abril 2024

Ante a pretensión da empresa Altri de instalar unha industria de fibra téxtil a base de celulosa e as súas infraestruturas asociadas, a Asociación de Veciños de San Xoán de Laíño (Dodro) convoca unha mesa redonda este sábado 13 para informar dos efectos de dita fábrica na que participarán Joám Evans Pin da Fundación Montescola que falará sobre as iniciativas de deseucaliptización e experiencias de xestión alternativa desde a lóxica da conservación comunitaria, Xoán Castro Insua enxeñeiro agrónomo, investigador do Centro de Investigación Gandeira de Mabegondo e asesor da plataforma Ulloa Viva, que falará sobre os efectos directos da fábrica sobre o medio ambiente e os cultivos da zona, e Pablo Gómez Sande biólogo especializado en auga doce presidente da Plataforma para a Recuperación do Río Sar.

A mesa estará coordinada por Xoán Xosé Vicente Franco membro da directiva da Asociación de Veciños e concelleiro no Concello de Dodro.

Segundo adiantan os organizadores, a mesa redonda foi convocada para informar dun proxecto que “afectará negativamente o patrimonio cultural e natural da comarca da Ulloa e a totalidade do curso do río Ulla, e tamén á planta de tratamento de auga para consumo situada a pé de dito río en Carcacía, no municipio de Padrón, que á súa vez abastece a Dodro e aos concellos da contorna”.

Esta mesa redonda está aberta a todos os veciños de Dodro, a colectivos sociais, partidos políticos e a todos os concellos das Terras de Iria e do Baixo Ulla e será no local social do Montiño en Imo o próximo sábado día 13 ás 11:30h.

Haberá alegacións en contra da instalación da fábrica de Alatri a disposición dos asistentes e facilitarase información para a súa tramitación.

Ao rematar haberá uns petiscos na cantina para todos os asistentes.

Área onde se situará a planta de fibra téxtil de Altri en Palas de Rei © Altri

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...