O Centro Cultural Lustres Rivas acolleu o coloquio sobre A Importancia do Labor Asociativo. Activando Iniciativas para a Transformación do Territorio. O vedrense Iván García García deu unha clase maxistral que sorprendeu, de forma moi grata, ao público asistente pola profundización na temática que fixo o experto. Ata unha vintena de entidades estaban representadas na sala.
A representación asociativa e a Concelleira de Cultura acordaron repetir este tipo de citas en máis ocasións porque permitiu adquirir coñecementos e converterse nun espazo de encontro e reflexión para o tecido asociativo.
O poñente estivo acompañado na mesa por Vicente Mariño, tenente de alcalde ribeirense e Francisco Javier Gómez González, presidente de Asociación Barbancesa de Axuda e Solidariedade e da Asociación Desembarco en Areoso.
