A brigada municipal de Porto do Son, o persoal dos centros educativos e máis o alumnado do Obradoiro Tahume IX intensificaron estes días pasados os traballos de acondicionamento, limpeza e arranxo dos accesos, camiños e espazos de lecer dos núcleos do concello sonense, co obxectivo de garantir o pleno desfrute dos mesmos e, tamén, de achegar máis accesibilidade e seguridade. Entre as zonas onde se levaron a cabo traballos de posta a punto do firme e da accesibilidade inclúese as contornas do Centro de Saúde, do Edificio de Usos Múltiples e da Capela da Atalaia, todas elas na propia vila de Porto de Son.
Ademais, desenvolvéronse tarefas de mantemento das zonas verdes do CEIP Portosín realizadas polo persoal de conserxería e limpeza.
Tamén foi obxecto de acondicionamento o camiño á capela de San Benito de Seráns
Igualmente, o alumnado do Obradoiro de Emprego TahumeIX do módulo de actividades auxiliares en viveiros, xardíns e centros de xardinería puxo o foco na mellora das zonas verdes da Escola de Nebra, do CEIP Campanario, do EEI de Queiruga e de Rato Lura; ao tempo que, o alumnado de actividades auxiliares en conservación e mellora de montes realizou o acondicionamento dos accesos da praia de Ornanda. Podemos ver o resultado destes traballos no Facebook municipal.
