Os concellos do Camiño Muros-Noia e o o Centro de Acollida ao Peregrino buscan xeitos de mellorar o selado das credenciais e axilizar a obtención da Compostela

27 Febreiro 2024

A presidenta da Asociación de Concellos do Camiño da Ría de Muros Noia, Teresa Villaverde, acompañada do técnico Sebastián Valverde e do párroco de Noia, José Ortoño Fuentes, reuniuse co equipo de delegados designados polo Cabildo da Catedral de Santiago para a xestión das peregrinacións, Daniel Lorenzo e Noelia Márquez. A reunión foi solicitada para tratar diferentes aspectos operativos e de organización sobre o Camiño da Ría de Muros Noia. O primeiro tema a estudar foi o procedemento de autoselado para a credencial, que se realiza en formato papel e está xa presente nesta ruta xacobea, pero que, segundo sinalaron, “precisa dalgunhas adaptacións para desenvolver e facilitar a súa implantación”.

A continuación analizáronse as peregrinacións colectivas, moi destacadas na ría, sobre todo as marítimas. Unhas peregrinacións que, tal e como explicaron os responsábeis da Oficina do Peregrino, “deberán seguir os modelos implementados desde hai anos para os grupos”, un sistema que axiliza a obtención da Compostela e garante que todos as persoas integrantes do grupo poidan recibila de forma áxil e cómoda.

Continuando coas peregrinacións marítimas, unha variante de especial importancia no Camiño da Ría de Muros Noia, os delegados do Cabildo da Catedral de Santiago confirmaron que o criterio para recibir a Compostela é ter navegado 90 millas náuticas como distancia mínima, tal e como figura na credencial que emite a Catedral para acreditar as distintas etapas. Unha navegación que deberá realizarse en embarcacións a vela.

Agradecemento polo apoio

Durante a reunión, Teresa Villaverde agradeceu a Daniel Lorenzo o recoñecemento, o amparo e o apoio recibido polo Camiño da Ría de Muros Noia tanto por parte do Arcebispo, como da Catedral de Santiago e dos responsábeis da Oficina del Peregrino, “que desde que recibiron o estudo de historicidade do Camiño, amosaron o seu interese por esta ruta e nos ofreceron a súa colaboración”.

O encontro, celebrado en Santiago de Compostela, finalizou co desexo expresado por Teresa Villaverde para que o Camiño da Ría de Muros Noia reciba pronto tamén o respaldo oficial da Xunta de Galicia. Os responsables do Centro Internacional de Acollida ao Peregrino animaron á Asociación para que os seus traballos produzan os froitos que desexan.

A Asociación de Concellos do Camiño da Ría de Muros Noia está composta por Ames, Brión, Lousame, Muros, Noia, Outes, Porto do Son, Rois e Santiago.

Outros artigos

Luns con sol e baixa das temperaturas máximas

Seguimos baixo a influencia anticiclónica pero con ventos de compoñente norte que afastarán as masas de aire cálido da semana anterior. Deste xeito agardamos néboas en comarcas do interior que se irán disipando deixando ceos moi abertos canto máis o sur de Galicia e...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...