O documental “As Voces da Conserva” impacta nas redes sociais e na web da Mancomunidade Barbanza Arousa

02 Febreiro 2024

A presenza na nova edición de FITUR (a Feira Internacional de Turismo) da Mancomunidade Barbanza Arousa deixouse notar abondo. Principalmente grazas á presentación de As Voces da Conserva, do cal achegouse un adianto-resumo do audiovisual que, en palabras dos concellos do sur do Barbanza (Ribeira, A Pobra, Boiro e Rianxo), “conseguiu emocionar a todo o público asistente”. Á presentación e proxección suáronse outras accións paralelas levadas a cabo no marco de FITUR 2024.

Neste senso, a colocación dun tótem promocional nun dos accesos aos pavillóns expositivos do IFEMA tivo unha importante repercusión nas visitas á web www.barbanzarousa.gal chegando a incrementarse en máis dun 25% grazas ao códigos QR inseridos no mesmo.

Así mesmo, o extracto do documental As Voces da Conserva, visíbel estes días nos perfís sociais da entidade, removeu sentimentos na comarca e sacou á luz novas historias como as referidas no audiovisual nas que as protagonistas son as mulleres que dedicaron a súa vida desde ben novas aos traballos do mar e da conserva.

Nas vindeiras semanas o documental na súa versión íntegra será proxectado nos diferentes concellos do territorio, para que “toda a poboación interesada poida desfrutar da posta en valor que nel se fai da historia industrial de Barbanza Arousa”, sinalou a mancomunidade.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.