2,2 millóns de galegos están chamados este domingo a votar nas Eleccións ao Parlamento de Galicia en preto de 4.000 mesas repartidas por arredor de 2.400 locais electorais.
O censo electoral para estas eleccións ao Parlamento galego ascende a 2.693.633 persoas xa que aos máis de 2,2 millóns de electores censados en Galicia, hai que sumarlle os 476.544 inscritos no Censo Electoral de Residentes Ausentes (CERA).
O electorado contará con preto de 41 millóns de papeletas e máis de 4 millóns de sobres de votación. Durante a xornada electoral, tamén foron designados para toda Galicia 2.628 representantes da administración, que contan con dispositivos electrónicos para a transmisión de datos da votación dende os colexios electorais ata o centro de procesamento da información.
E lembrar que está xa dispoñible para descarga a aplicación móbil das eleccións, así como a páxina web https://resultados2024.xunta.gal, nas que se poderán seguir en tempo real as comparecencias de prensa, así como os datos de participación e o avance en directo do escrutinio a nivel autonómico, provincial, comarcal e por concello, incluíndo comparativas coas eleccións do 2020.
Ademais da app e da web de resultados, cómpre destacar que a Xunta tamén ten operativa a páxina web https://eleccionsgalicia2024.gal/, onde se centraliza toda a información de interese relacionada co proceso electoral.
92.278 votantes están chamados ás urnas este domingo na comarca
Nas comarcas da Barbanza e Muros- Noia están chamados a participar un total de 92.278 persoas nos dez concellos que o integran.
Os datos sobre cidadáns con dereito a voto nestas eleccións autonómicas correspóndense co censo pechado ao 1 de outubro do ano pasado.
Segundo os datos que manexa o Instituto Nacional de Estatística (INE), a cifra de electores a 1 de outubro data de peche do censo increméntase no conxunto da comarca en 184 persoas con respecto ás anteriores eleccións xerais.
Como é habitual Ribeira é concello con máis votantes e sobe nun cento os electores con respecto á convocatoria das xerais. O segundo posto do ranking ocúpao Boiro, con 94 máis, e pecha o podio A Pobra, onde este domingo poderán depositar o seu voto nas urnas un total de 7.852 persoas, 44 máis que o pasado verán.
Pola contra Outes perdeu uns vinte electores, unha cifra similar á de Muros, que ten 18 menos, mentres que en Lousame e Rianxo as persoas con dereito a voto son unha ducia menos que en xullo. Mazaricos, é o que é o máis votantes perde con 37 menos votantes.
Censo de votantes da comarca de Barbanza e Muros e Noia:
Ribeira 21.780 ; A Pobra 7.852 ; Boiro: 15.745; Rianxo 9.277.
Porto do Son 7.736 ; Muros 7.202; Noia 11.844; Outes 5.373; Carnota 3.414; Lousame 2.755.
