A Deputación da Coruña publicou no Boletín Oficial da Provincia do 16 de febreiro a concesión provisional das axudas da área de Deportes para a contratación de persoal técnico deportivo nos concellos da provincia.
Neste 2024, a Deputación destina 904.400 euros para financiar este programa, que permitirá a 67 concellos da provincia, incluídos 9 da nosa comarca (con 125.000 euros en total), contratar ou manter no seu cadro de persoal a técnicos deportivos que teñen como misión dinamizar a actividade deportiva dos municipios e planificar un calendario de actividades para todos os públicos.
A Deputación financia ata o 80% dos custos salariais (soldo e Seguridade Social) do persoal técnico deportivo contratado durante un ano, cunha achega máxima de 15.000 euros para aqueles municipios que optan pola contratación dun graduado universitario en Ciencias da Actividade Física e o Deporte que traballe a xornada completa. Os concellos poden contratar tamén técnicos superiores en Animación de Actividades Físicas e Deportivas e facelo a xornada completa ou media xornada, aboando sempre o 20% restante do salario.
Comarca do Barbanza
| CONCELLO | ACHEGA |
| A Pobra do Caramiñal | 15.000 |
| Boiro | 15.000 |
| Carnota | 15.000 |
| Lousame | 15.000 |
| Mazaricos | 15.000 |
| Outes | 10.000 |
| Porto do Son | 10.000 |
| Rianxo | 15.000 |
| Ribeira | 15.000 |
| Total | 125.000 |
