O xornalista Alberto Barciela, colaborador de “obarbanza.gal”, foi distinguido en Madrid como un do Protagonistas do Turismo de España e Iberoamérica nunha gran homenaxe ante máis de tres centenares de invitados á Cea de Gala do 25º aniversario da páxina web do grupo NEXO, celebrada onte á noite no NOVOTEL Madrid, nos actos Pre FITUR, que complementan ao Congreso Iberoamericano de Ministros e Empresarios de Turismo organizado por NEXOTUR.
“A mellor forma de celebrar esta efemérides”, recoñecía Eugenio de Quesada, presidente do Grupo NEXO e de CIMET durante a súa intervención, “é rendendo a homenaxe que os homes e mulleres do mundo da viaxe española que ben o merecen, facendo expreso o recoñecemento público aos verdadeiros Protagonistas do Turismo, que son quen, como empresarios e profesionais, xestionan o primeiro Sector da nosa Economía e levárona a unha recuperación feliz e ao seu mellor momento histórico”.
Os grandes empresarios hostaleiros, de axencias de viaxe, de hostalería, directivos de compañías de transporte, ministros de Turismo, presidentes de Asociacións profesionais completaron a lista de 100 personalidades do mundo da viaxe que recibiron a medalla NEXOTUR, 25 aniversario como personalidades Protagonistas do Turismo ao longo de máis de dúas décadas.
Alberto Barciela, xornalista e empresario, é membro da Mesa do Turismo de España, da Asociación de Profesionais do Turismo, e como xefe de prensa do Presidente de Galicia, Manuel Fraga, e da Xunta foi o responsable do lanzamento en todo o mundo, desde 1990, da marca Galicia, dos Camiños de Santiago, do XACOBEO, de GALICIA CALIDADE, ou da Escola de Histelería de Galicia, ademais de formar parte da Mesa do Turismo ou ser o ideólogo da Cidade da Cultura e de esoacios de arte como ARTVG. É tamén Vicepresidente mundial de EDITORED, Asociación de Editores de Europa, Iberoamérica e Caribe e dirixe os seus Congresos Internacionais.
O informador redondelano, Académico de Televisión, foi Distinguido con numerosos galardóns como o Premio Nacional de Xornalismo Gastronómico Álvaro Cunqueiro, a Antena de Ouro da Asociación de Profesionais de Radio e Televisión de España ou o premio do Mercado Audiovisual Iberoamericano, entre outros moitos.
