O dispositivo de recollida de pellets do Concello de Ribeira e o voluntariado xa apañou 68 sacos de bólas plásticas nas praias

08 Xaneiro 2024
Traballos despregados na praia do Vilar, co alcalde á dereita da imaxe

O Concello de Ribeira achegou en Facebook un pequeno balance dos traballos que está a facer o Goberno local en colaboración con outras entidades locais e o voluntariado para frear a marea plástica de pellets cos seus propios medios, sen recibir, segundo teñen sinalado, “axuda algunha da Xunta”. O Concello explica que dende o día 13 de decembro o Servizo de Atención ás Emerxencias Municipal, en coordinación co servizo de limpeza viaria (Urbaser), está a levar a cabo tarefas de recollida e limpeza de sacos e bólas plásticas nos areais de termo municipal, que se atopan entre os máis castigados pola contaminación. No aviso recibido na devandita xornada do 13 polo dito Servizo a cidadanía alertaba da aparición de sacos nas praias de Balieiros e Espiñeirido, entre outras.

Voluntariado reunido este domingo no Vilar

No seu balance o Concello lembra tamén que o pasado domingo 7 de xaneiro achegáronse unhas 500 persoas voluntarias á praia do Vilar para colaborar nas tarefas de limpeza, tarefas que dende o Goberno local agradecen encarecidamente, engadindo que “precisamos de todas as institucións públicas para facer fronte a esta catástrofe ambiental”. Ademais, recomendan que se vemos algún saco na costa de Ribeira mandemos o aviso ao teléfono 689 781 863.

No balance do Concello faise saber que xa foron recollidos, a día de 8 de xaneiro, 68 sacos recollidos.

Ademais, o alcalde de Ribeira foi especialmente crítico dende a rede social X coa visita deste luns a Aguiño da conselleira de Medio Ambiente, Ángeles Vázquez, visita motivada para comprobar a presenza de plásticos no Parque Nacional das Illas Atlánticas: “Hoxe estivo en Aguiño a conselleira de Medio Ambiente. Nin nunha crise ambiental como a que vivimos, con millóns de boliñas de plástico estendidas pola costa, tiveron a decencia de avisar ao Goberno local para unir esforzos e coordinar a retirada do material contaminante. Vergoña”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.