O BNG amosa o seu a apoio ás melloras na planta de reciclaxe de Lousame que demanda o comité de empresa

30 Xaneiro 2024

Representantes do BNG no Parlamento galego, Rosana Pérez e Ramón Fernández, e na Deputación da Coruña, Xosé Penas e Sol Agra, así como edís dos concellos que pertencen á Mancomunidade Serra do Barbanza, reuníronse este martes co comité de empresa da planta de reciclaxe de Servia, en Lousame, para coñecer de primeira man a situación de emerxencia derivada das múltiples problemáticas que azoutan as instalacións.


Neste sentido, o BNG vén solicitando desde fai anos que se invistan orzamentos para o mantemento da maquinaria da planta de tratamento do lixo de Lousame, de igual forma que se fai con outros modelos como o de Sogama, en Cerceda. Así mesmo, a formación nacionalista tamén vén demandando a necesidade, en cumprimento cos estatutos da Mancomunidade, de acometer reunións dos órganos colexiados (Xunta Xeral e Asemblea) para tomar decisións a respecto do remate do contrato da concesionaria, do estado das instalacións, da entrada de novos socios, da aprobación das contas ou da adaptación do modelo á nova normativa, entre outros problemas graves como a colmatación do vertedoiro.
A deputada Rosana Pérez insistiu “no apoio explícito que o BNG deu sempre ao sistema de recollida de lixo que se puxo en marcha na Mancomunidade Serra do Barbanza, porque consideramos que é un modelo alternativo a Sogama moito máis sostible”. “É imprescindible o apoio orzamentario para adaptarse ás novas exixencias da Unión Europea, co que a planta podería conseguir aínda mellores números en reciclaxe”, engadiu Pérez.
Pola súa parte o deputado Ramón Fernández, “Mon”, responsable da área de economía e industria do BNG mostrouse alarmado ante a situación de abandono das instalacións. “É incrible que os traballadores e as traballadoras sexan os que teñan que estar sufrindo este desleixo por parte das sucesivas Presidencias da Mancomunidade, vese ben que nunca pasaron por esta planta, pois senón caeríaselles a cara de vergoña, non se pode consentir que se traballe nestas condicións, é perigoso ademais de indigno”, afirmou o nacionalista.
A representación dos traballadores explicou que a mala xestión está encarecendo os costes do tratamento do lixo, non só polo esgotamento da concesión a FCC e a ausencia duns novos pregos de contratación, senón tamén pola necesidade de transportar o lixo a Sobrado do Monxes, a centos de quilómetros, pola colmatación do vertedoiro.
O responsable comarcal do BNG na Mancomunidade Ricardo Suárez, explicou que o BNG “levará aos concellos mocións para exixir á Presidencia da Mancomunidade que convoque a Xunta Xeral e a Asemblea para tratar a situación da planta, tanto o estado das instalacións como a dación de contas e os pasos que se van dar para adaptar o modelo á nova normativa, así como para apostar por vías de colaboración coa Xunta que garantan a continuidade e viabilidade da planta e dos máis de 150 postos de traballo que dependen das instalacións”.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.