Ante a situación epidemiolóxica na que se atopa a comunidade galega, a Xunta decidiu ampliar a campaña de vacinación contra a gripe e a covid-19. A data fixada no calendario para finalizar este campaña era o 12 de xaneiro, pero coas infeccións respiratorias á alza, ampliouse dúas semanas máis, ata o día 26 deste mes.
Os horarios e puntos de vacinación pódense consultar na páxina web do Servizo Galego de Saúde (Sergas), na que continúa activo o servizo de autocita. Poden facer uso deste servizo as persoas con idades comprendidas entre os 12 e os 59 anos con algunha condición de risco, así como aquelas a partir de 60 anos. Ademais, as persoas que tan só queiran vacinarse contra a gripe poderán facelo no seu centro de saúde con cita previa.
