Este luns 8 de xaneiro celebrouse na sede da patronal boirense (ABE) o segundo dos sorteos da Campaña de Nadal 2023-2024 da asociación. Sorteáronse 500€ en bonos ABE e 2 lotes de produtos da Praza de Abastos de Boiro. Rexistráronse 2.535 tíckets de compra entre o 22 de decembro e o 7 de xaneiro. A ABE informou que “aínda restan dous sorteos da campaña, un deles cun premio de 1.000€ para un único gañador”.
Vindeiros sorteos
Sorteo Cartas Reis Magos – Martes 9 de xaneiro
3 lotes de xoguetes
Sorteo Costa de xaneiro – luns 15 (Tíckets rexistrados do 5 de decembro ao 14 de xaneiro)
1.000€ único gañador
Para participar os clientes deben rexistrar os seus tíckets ou facturas de compra na web da ABE. Para o sorteo final da costa de xaneiro do día 15 cun premio de 1.000€ para un só gañador son válidos os tíckets rexistrados dende o 5 de decembro de 2023 ata o 14 de xaneiro de 2024.
Catálogo de premios
A patronal lembra que todos os tíckets e facturas que se rexistren durante a campaña tamén acumulan o 10% do seu importe para cambiar por agasallos do catálogo de premios da ABE.
