O Concello de Dodro, a través da área municipal de Deportes e coa colaboración da Deputación da Coruña, organiza neste segundo trimestre do curso un novo capítulo das Escolas Deportivas Municipais. As renovacións e as novas inscricións deberán facerse antes do 21 de decembro. O inicio das actividades formativas está previsto para o 8 de xaneiro. Para nenas e nenos ofrécense as seguintes actividades: psicomotricidade, multideporte, patinaxe e baile deportivo. Para maiores de 15 anos, ximnasia de mantemento, pilates, zumba, adestramento funcional – crossf. Para as persoas maiores de 65 anos e persoas con mobilidade reducida as actividades programadas son psicomotricidade e tonificación. As actividades levaranse a cabo no Pavillón Municipal. Máis información a través do 981802532 e deportes@dodro.gal.
