A celebración Hórreo Vivo do Araño vén ateigada de actividades entre o 8 e o 10 de decembro

03 Decembro 2023

A parroquia rianxeira de Araño vai acoller os días vindeiros unha das grandes celebracións da tempada na comarca do Barbanza: a terceira edición da festa do Hórreo Vivo. Será no Centro Cultural da Capela, entre o 8 e o 10 de decembro.

Organizada polas Asociación Cultural A Carballeira de Baia e a Asociación de Veciños do Araño coa colaboración do Concello de Rianxo e a Deputación da Coruña, a festa comezará o venres 8 con obradoiros para a rapazada (Asociación Avoar), ás 16.30 horas, que inclúen talleres de instrumentos de cana. Ás 18.00 horas será a quenda do teatro infantil con Onde está Larry? (con Teatro Calavera).

Ás 19.30 haberá obradoiros de chapas e máis de deterxentes naturais e, xa pola noite, están programados dous monólogos humorísticos con Celso Sanmartín e Oswaldo Digón. Ao remate dos monólogos dará comezo un concerto con The Cuncas.

Ao día seguinte, sábado 9, as actividades comezarán ás 16.00 horas con propostas diversas para a rapazada, como inchábeis, xogos xigantes tradicionais e de madeira (a cargo de Intantilandia). Ás 19.00 horas volverá o teatro infantil con O apalpador e as palabras perdidas (A Xanela do Maxín). Pola noite, ás 21.30 horas, haberá cea-baile.

A xornada festiva do domingo, adicado a Santa Baia, comezará no Campo da Carballeira con bombas de palenque, unha misa na honra de Santa Baia e unha gaiteirada con Gaiteiros de Buxaina. Ás 13.30 horas está prevista unha sesión vermú, unha mexillonada e un concerto con Chiña.

Como dixemos, organizan a Asociación Cultural A Carballeira de Baia e a Asociación de Veciños do Araño. Patrocina a Deputación da Coruña e colabora o Concello de Rianxo.

Outros artigos

Adiado en Rianxo até o 17 de maio o acto de homenaxe a Rosalía

A Área de Cultura do Concello de Rianxo confirmou hoxe que por mor das condicións climáticas adversas previstas para este venres 23 de febreiro, o acto en lembranza de Rosalía de Castro que estaba previsto para a dita xornada na praza de Padrón (no paseo da Ribeira a...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...

“Paz e despois gloria”. Luís Celeiro

“Paz e despois gloria”. Luís Celeiro

Eles tamén ganaron, aínda que desta vez, como noutras ocasións, houbo perdedoresagochados detrás do parapeto da verborrea ou dese inmenso muro de silencio. Taménhoubo quen, con tristura e desacougo, admitiu a derrota e parece que está en disposiciónde intentalo...