Na mañá deste 22 de decembro celebrouse na sede da patronal boirense (ABE) o primeiro dos sorteos da Campaña do Nadal entre os 1.509 tíckets de compra rexistrados polos clientes dos negocios asociados entre o 5 e o 21 de decembro.
A asociación destacou que en tan só 15 días rexistrouse a devandita cifra de 1.509 compras. No recadro que acompañamos podemos consultar a listaxe de gañadores.
Vindeiros sorteos
Sorteo 2 – luns 8 de xaneiro (tíckets rexistrados do 22 de decembro ao 7 de xaneiro)
§ 1 premio de 250€
§ 1 premio de 150€
§ 1 premio de 100 €
§ 1 Lote de produtos da praza de abastos
§ 1 Lote de produtos da praza de abastos
Sorteo 3 – Costa de xaneiro – luns 15 (Tíckets rexistrados do 5 de decembro ao 14 de xaneiro)
§ 1.000€ único gañador
Para participar os clientes deben rexistrar os seus tíckets ou facturas de compra na web da ABE. Os tíckets do 22 de decembro ao 7 de xaneiro participan no sorteo 2 e todos os tíckets da Campaña de Nadal (do 5 de decembro ao 14 de xaneiro) participan no sorteo final da costa de xaneiro do día 15 cun premio de 1.000€ para un so gañador.
Catálogo de premios
A ABE lembra que todos os tíckets e facturas que se rexistren durante a campaña tamén acumulan o 10% do seu importe para cambiar por agasallos do catálogo de premios da Asociación Boirense de Empresarios.
Sorteo lotes de xoguetes, photocall e caixa de correos real para deixar as cartas
Recordar que a ABE ten instalado un photocall diante da Praza de Abastos, trátase dunha lona de mais de 2 metros na que as familias poden facerse fotos e depositar as cartas para Papa Noel e os Reis Magos.
Con todas as cartas depositadas ata o 5 de xaneiro realizarase un sorteo de 3 lotes de xogos. As cartas pódense recoller en calquera dos negocios participantes ou ben descargar e imprimir na casa dende a web da ABE.
Regalo de bolsas de algodón orgánico de comercio xusto
En paralelo ao sorteo os negocios asociados están entregando gratuitamente aos seus clientes 2.000 bolsas de algodón orgánico, que contan coa etiqueta de comercio xusto fairtrade, serigrafadas a dúas cores co lema da patronal, o seu xa icónico “#SOMOS BOIRO”.
A Campaña do Nadal está financiada pola Xunta de Galicia e conta coa colaboración do Concello de Boiro.
