Ribeira, Boiro e Noia acollen este xoves 9 de novembro un Encontro de Xestores Cuturais da nosa terra. Será a partir das 9.30 horas, cunha saída en transporte colectivo dende Santiago de Compostela, e continúa ás 10.30 cunha visita ao Museo de Artes do Gravado (Artes, Ribeira) e ás 12.00 horas cun faladoiro sobre proxectos no Pazo de Goiáns.
A xornada vén da man da Asociación Galega de Profesionais da Xestión Cultural. Trátase dunha actividade abeirada á segunda quedada da xestión cultural que se celebra en Barbanza (Ribeira, Boiro e Noia).
Logo do xantar ás 14.30 horas, a delegación trasladarase a Noia, onde participará nunha conversa (no Coliseo Noela) con Juan Ramón Vidal, técnico de Cultura no Concello de Noia e director da Mostra de Curtas da vila noiesa. Ás 19.00 está programada a volta a Santiago de Compostela.
