O Museo das Peregrinacións e de Santiago recibe o Premio Internacional APECSA polo seu labor na difusión da cultura Xacobea

07 Novembro 2023
O conselleiro de Cultura, Educación, FP e Universidades, Román Rodríguez, acompañado polo director xeral de Cultura, Anxo M. Lorenzo, participa na entrega do XI Premio Internacional APECSA 2023 de divulgación do Camiño ao Museo das Peregrinacións e de Santiago concedido pola Asociación de Periodista e Estudosos do Camiño de Santiago.

O conselleiro de Cultura, Educación, FP e Universidades, Román Rodríguez, recolleu o XI Premio Internacional APECSA 2023 de divulgación do Camiño, concedido pola Asociación de Periodistas e Estudosos do Camiño de Santiago ao Museo das Peregrinacións e de Santiago.

Este recoñecemento, materializado na escultura Harmonía de Luís Loureira, destaca o labor do centro museístico a prol do Camiño de Santiago, funcionando como espazo de acollida e centro de difusión da Ruta Xacobea. “O traballo analítico, retrospectivo e documental que se realiza desde o Museo das Peregrinacións representa un labor de responsabilidade cultural, pero tamén un exercicio de memoria colectiva”, salientou Román Rodríguez. A institución pon en valor de xeito multidisciplinar “os distintos achados que se producen no marco do estudo do Camiño e cuxos esforzos asentan o interese que suscita cada ano o fenómeno xacobeo e da cidade de Santiago”, engadiu.

Este labor ten como resultado o éxito de asistencia ás súas instalacións, que cada ano reciben uns 50.000 visitantes, sen esquecer que cada ano “continúa desenvolvendo un traballo inestimable de ampliación e mellora de servizos con novas exposicións e novas interpretacións do Camiño”, puntualizou o titular de Cultura.

Contedor cultural
Como valorou o xurado para outorgar o premio ao Museo das Peregrinacións e de Santiago, a entidade funciona como contedor cultural de relevancia en relación coas artes plásticas, producindo e organizando exposicións temporais e contribuíndo, mediante o préstamo dos seus fondos, á proxección da cultura de Galicia e, moi particularmente, á cultura das peregrinacións e á cultura xacobea.

En palabras do conselleiro, o traballo do Museo desde esta perspectiva é “por extensión, unha ollada directa á historia común de todo o país”. Nesta liña, hoxe é “máis necesario que nunca seguir coñecendo a fondo ao Camiño para asegurar o legado espiritual e histórico da súa pegada e a súa transmisión a futuras xeracións”, focalizou.

Durante a súa intervención, o titular de Cultura tamén quixo recordar a Ramón Irago Silva, quen finou este ano e a quen se lle dedica esta undécima edición do Premio Internacional Apecsa. Pintor, mestre, promotor e defensor dos valores do Camiño, foi un “auténtico promotor e defensor dos valores do Camiño de Santiago”, dixo Román Rodríguez, remarcando que a figura do Ramón Irago Silva debe “servirnos de exemplo e de inspiración para seguir traballando para mellorar a visibilidade do Camiño”.

O conselleiro de Cultura, Educación, FP e Universidades, Román Rodríguez, acompañado polo director xeral de Cultura, Anxo M. Lorenzo, participa na entrega do XI Premio Internacional APECSA 2023 de divulgación do Camiño ao Museo das Peregrinacións e de Santiago concedido pola Asociación de Periodista e Estudosos do Camiño de Santiago.

Outros artigos

Rianxo e A Estrada xa son oficialmente concellos irmáns

Este luns 19 de outubro formalizouse finalmente a sinatura do protocolo de irmandamento entre os concellos da Estrada e Rianxo, historicamente unidos polas figuras de Virxinia Pereira Renda (A Estrada) e Alfonso Daniel Rodríguez Castelao (Rianxo). A fraternidade...

+

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

“Indefensión frente a la nesciencia”. José Fernández Lago

“Indefensión frente a la nesciencia”. José Fernández Lago

Soy un ciudadano de a pie, que no entiendo el organigrama gubernativo. Cierto que me siento con el derecho de considerar que los que ostentan algún tipo de cargos deberían tener los estudios oportunos, y no simplemente facilidad para comunicarse entre ellos y para...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.