Durante o venres de 20:00h a 22:00h, sábado de 12:30h a 14:30h e 20:00h a 22:00h e domingo de 12:30h a 14:30h celebrarase a novena edición do concurso BA+QTapas en Boiro que organiza a Mancomunidade Barbanza Arousa.
Os establecementos participantes son: A Do Beiro, A Batea de Juan, A Terraza do Furancho, Castelao, Uttap, Tecate, Pik by Xoanes, Puerto Victoria e Cafetería Barbantía. Neles poderanse degustar tapas a 2,50€ con produtos de proximidade, cada participante no concurso recibirá un rasca con premios.
O obxectivo da Mancomunidade é dinamizar a hostalaría e poñer en valor os viños da IXP Barbanza e Iria, concretamente as Adegas situadas en Boiro, Pobra e Rianxo.
Logo de que Rianxo superase as expectativas, con máis de 900 tapas vendidas, Boiro afronta esta edición con moito optimismo. A madriña do evento será a tiktoker boirense @Oliva_sinhache
