Brinquedia convoca un ano máis o Día do Peón en toda a xeografía galega (con acto central en Lousame)

07 Novembro 2023


Brinquedia, a Rede Galega do Xogo Tradicional, programa para o próximo 11 de novembro a XVII edición do Día do Peón baixo a lema Polo San Martiño, peóns ao camiño. A iniciativa busca normalizar o patrimonio lúdico entre a sociedade e, en particular, as buxainas na rapazada. Como en anteriores edicións, o colectivo convida aos centros educativos, asociacións, administracións e persoas da pé a que se fagan cun peón (decorado ou non para a ocasión) e o poñan a bailar conxuntamente este sábado nun espazo público, subindo fotos ás redes sociais coa etiqueta #DíaDoPeón2023.

A convocatoria anual designa un concello no que se centraliza a xornada. Se en anteriores edicións foron Santiago, Ferrol, Melide, Carnota, Outes, Noia, Ourense, Manzaneda, Pontevedra ou Brión, neste 2023 o elixido é Lousame. O acto central celebrarase dous días antes, o 9 de novembro ás 11 da mañá, en San Roquiño. Consistirá no lanzamento colectivo de peóns e bailaretes coa comunidade educativa do CPI Cernadas de Castro, formada por máis de 250 rapazas e rapaces de 3 a 16 anos de idade. Tamén haberá un obradoiro de peóns e un magosto cortesía do centro educativo. Así mesmo, a concelleira de Deportes, Mariel Agrafojo, dará lectura ao manifesto redactado para a ocasión por persoal municipal. Trátase dunha proclama, segundo explica Brinquedia, que xa contou coas verbas de María Lado, Suso de Toro, Antón Cortizas, Xabier P. DoCampo ou Daniel Pino, entre outras.

“A convocatoria”, engade a rede, “quere volver a traspasar fronteirasco como en anos anteriores, cando se uniron á mesma á Ikastola Alkartu de Barakaldo ou o Centro Galego Bizkaia, entre outros”.

Brinquedia naceu o 27 de marzo de 2005 logo da Asemblea Fundacional realizada na Casa da Cultura de Riotorto (Lugo) para promover o xogo tradicional galego. Está formada por persoas físicas e xurídicas con interese no patrimonio lúdico.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.