O día 3 de decembro é o Día Internacional das Persoas con Discapacidade, unha data que dá visibilidade a un colectivo que forma o 9% da poboación. Como este ano a data é un domingo, dende a asociación ADISBIRMUR de Persoas con Discapacidade da Bisbarra de Muros decidiron adiantar os festexos para o venres, día 1 de decembro.
Unha das accións que van a levar a cabo é unha xornada de portas abertas do centro de día e ocupacional que teñen en Valadares (As Touzas,s/n , Valadares, 15239 Outes), convidando a todas as familias e á veciñanza a que visite o centro e poida ver todos os talleres e servizos que se desenvolven.
Outra das actividades que realizarán será unha ruta polos catro concellos de ámbito de actuación da entidade, sendo Outes, Mazaricos, Carnota e Muros, para repartir agasallos realizados polas persoas usuarias do centro para conmemorar o Día da Discapacidade, ademais de vender rifas e outros produtos artesáns feitos no centro.
Para ampliar información contactar coa entidade no teléfono 625 35 21 19.
