A Asociación Xuízas e Xuíces para a Democracia, que amosara o seu rexeitamento ás referencias explícitas no documento subscrito por PSOE e Junts ao “lawfare” ou xudicialización da política e as súas consecuencias, insiste en que as concentracións dos profesionais xudiciais “poden danar a imaxe de neutralidade e imparcialidade” mesturando a xudicatura nun contexto “de enfrontamento partidista no que non debe participar”, razón pola que esta asociación non tomará parte nesas mobilizacións.
Afirman as xuízas e xuíces citados que as concentracións de protesta contra a lei de amnistía que se están a convocar diante das sedes xudiciais “poden afectar a imaxe de independencia e neutralidade do poder xudicial” no contexto actual.
Este domingo, o secretariado da Asociación expresou nun comunicado que o Poder Xudicial debería estar alonxado das protestas e lembra que tanto o Tribunal Europeo dos Dereitos Humanos, como o Tribunal Constitucional, e os principios de Basalore sobre a conduta xudicial, insisten en que “tan importante coma o valor mesmo da independencia xudicial, é a apariencia de tal e a imparcialidade de que a xudicatura debe transmitir” .
As concentracións de colectivos xudiciais diante das sedes da xustiza española en prácticamente todas as provincias -con moitos dos seus integrantes sen se desprender da toga- como protesta polo pacto PSOE-Junts, suscitou comentarios nada favorables á protesta dos xuíces, por entender en moitos casos que tal protesta apoiaba explícitamente as teses ao respecto de partifos políticos como PP e VOX.
Cinco son as asociacións profesionais de xuíces españois, e a de xuízas e xuíces para a Democracia (consecuencia dunha escisión da Asociación Profesional da Maxistratura, esta de sentido nidiamente conservador) fundada en 1984, ten carácter progresista. Celebrou en redes sociais o precordo acadado no seu momento por PSOE e Unidas Podemos para formar goberno, asumindo que a suma de forzas progresistas daba opcións a políticas favorecedoras da igualdade e a garantía dos dereitos e liberdades. Nada significou neste senso en relación aos pactos para a investidura de Pedro Sánchez, nen os de lexislatura asinados polo PSOE con algunhas das formacións políticas que agora apoiaron na investidura.
“Intervención e regulación” – José Manuel Pena
Hai que ser realista e non queda outra, ben a intervención e a regulación para poder garantir o dereito real a unha vivenda digna. As axudas do ICO ou o bono ao alugueiro non solucionan o problema da vivenda en España. Hai que intervir, como se fixo, no seu momento,...
