Este xoves 26 de outubro o Auditorio de Rianxo vai acoller varias actividades culturais de gran interese celebradas ao abeiro do Día das Artes Galegas 2023 (adicado ao noso poeta e xograr Martín Códax). En primeiro lugar, Margarita Viso (piano) e María José Ladra (mezzosoprano) interpretarán As Cantigas de Matín Codax. O recital irá precedido dunha introdución a cargo do académico Juan Durán. A cita será a partir das 20.30 no Auditorio.
Ademais, clausurarase oficialmente a exposición O Pergamiño Vindel localizada no mesmo emprazamento (no primeiro andar do Auditorio), que se puido ver dende o día 20. Nesta mostra amósase o manuscrito que contén sete cantigas de amigo de Martín Códax, ademais da melodía de seis delas, entre outras pezas e material de gran relevancia histórica.
