A parroquia de Leiro (Rianxo) empeza este xoves as Festas do Carme edición 2023. A axenda comeza ás 16.00 horas con actividades para a rapazada (nas pistas do centro cultural) e tren turístico polas rúas. Ás 21.00 horas actuará a banda Maghúa no campo da Veliña e ás 22.30, na mesma localización, Leite con Jalletas. Á medianoite será a quenda de DJ Pivitas.
O venres 13 está prevista unha verbena, a partir das 22.00 horas, con Assia e a Discoteca Móbil Chocolate.
O sábado 14, na honra de Santa Bárbara, comezará cunha ruada do Grupo de Gaitas de Barbude e seguirá cunha misa cantada e unha sesión vermú (a partir das 13.00 horas). Pola noite actuarán Fussión e Olympus.
O domingo 15, adicado á Virxe do Carme, comezará ás 9.30 cunha ruada do Grupo de Gaitas de Barbude. Ás 13.00 horas haberá misa cantada con concerto da Banda de Música de Rianxo. Ás 21.00 será a quenda da orquestra Finisterre (verbena).
