Este venres 6 de outubro comezan as xornadas do Seminario sobre a Memoria organizado pola Nova Escola Galega, esta vez, por segundo ano consecutivo coa colaboración da Comisión pola Recuperación da Memoria Histórica do Barbanza. Esta XIII edición do Seminario leva por tema ́Un inferno para as mulleres e persegue os obxectivos, nas verbas da propia organización, de “achegar unha reflexión aos asistentes sobre o fenómeno da represión, sobre a desapiadada depuración sufrida pola poboación e, especificamente, en Rianxo e Lousame”. Trátase, engade a NEG, de “colaborar na comprensión do presente” e “adoptar unha actitude responsábel e solidaria na defensa da liberdade, da democracia e da xustiza”.
O seminario desenvolverase os días 6, 7 e 14 de outubro. Os dous primeiros días no IES Félix Muriel de Rianxo e no Pazo de Goiáns de Boiro, mentres que a xornada do sábado 14 estará adicada ao traballo de campo a través dun roteiro por Lousame no que as persoas asistentes visitarán os lugares da memoria e represión do concello.
O seminario contará con investigadoras como Iria Morgado, para falarnos da metahistoria na memoria democrática a partir dos 60 ou como o ribeirense Xoán Fernández Callón que analizará a represión no Barbanza entre 1936 e 1948. A xornada do sábado rematará coas actuacións de Os Quinquilláns e de Barahunda. As persoas interesadas poden atopar máis información dirixíndose á páxina web www.neg.gal ou no teléfono 981 562 577.
Obxectivos da actividade
1 Identificar, analizar e explicar, situándoos no tempo e no espazo, os feitos, personaxes, problemas, etapas e procesos máis significativos sobre o fenómeno da represión, sobre a desapiadada depuración sufrida pola poboación.
2 Distinguir e valorar os trazos permanentes dos procesos de transformación e cambio nos diferentes períodos, analizándoos desde a realidade dos nosos días.
3 Situar estes procesos históricos no contexto de Galicia e do Estado.
4 Contribuír ao desenvolvemento dunha sensibilidade comprometida, responsable e activa coa liberdade, a democracia e a xustiza.
5 Colaborar na consolidación de actitudes e hábitos de tolerancia e de defensa dos dereitos humanos.
Organiza a NEG en colaboración con Barbantia, IGALHIS (Instituto Galego de Historia), a Revista Galega de Educación, a Revista Galega de Historia (Murguía) e os Concellos de Rianxo, Boiro e Lousame.
Programa
Venres, 6 de Outubro de 2023
IES FÉLIX MURIEL – RIANXO
16.30 Recepción e entrega de documentación
17.00 Inauguración do seminario
Alcalde de Rianxo
Concelleira de Memoria Histórica de Boiro
Director do IES Félix Muriel
Presidente da Asociación Cultural Barbantia
Presidente Comisión Pola Recuperación Da Memoria Histórica do Barbanza
Presidenta de Nova Escola Galega
Coordinador do Seminario
17.15 IN MEMORIAM: XOÁN XOSÉ FERNÁNDEZ ABELLA
17.30 Xosé Manuel Lobato Martínez
18.30 EXPOSICIÓN AS CORES DA MEMORIA E CONFERENCIA REPRESALIADOS DE TEO: O retrato como dignificación
Carme Rodríguez Rey, Miguel Paz Cabo, Alfonso Martínez López
18.30 Descanso
19.00 HOMENAXE E OFRENDA FLORAL AS E OS REPRESALIADAS/OS POLO FRANQUISMO NO CAMPO DE CONCENTRACIÓN EN RIANXO
Sábado, 7 mañá de outubro de 2023
IES FÉLIX MURIEL – RIANXO
10.00 CONFERENCIA-COLOQUIO
O patronato franquista: un inferno para mulleres aínda descoñecido
Montse Fajardo Pérez, xornalista, investigadora e ensaísta galega.
CONFERENCIA-COLOQUIO
11.00 “Non era unha represión individual, pretendía acabar coa idea da semente a través das familias”
X. Ramón Paz Antón, Helena Pousa Ortega, Marga do Val (Marga Romero
Lorenzo).
12:00 Descanso
12: 30 PRESENTACION DE TRABALLOS DE INVESTIGACIÓN DA FACULTADE DE XEOGRAFÍA E HISTORIA DA USC SOBRE A MEMORIA HISTORICA
Alba Garrido: Mauthausen.
Iría Morgado: Metahistoria da memoria democrática a partir dos 60.
14.00 Almorzo (xantar)
Sábado, 7 tarde de outubro de 2023
PAZO DE GOIANS – BOIRO
16.00 CONFERENCIA-COLOQUIO
Vermellos e laicos, A represión fascista do maxisterio coruñés
17.00 PRESENTACIÓN
Revista Galega de Educación
Ana Parada Gañete e Uxía Bolaño Amigo
17.30 Descanso
18.00 CONFERENCIA-COLOQUIO
A represión no Barbanza (1936-1948) as cifras e os nomes
Xoán Fernández Callón
19.00 ACTO HOMENAXE – OS QUINQUILLAS, BARAHUNDA
Sábado, 14 de outubro 2023
LOUSAME
10.00 TRABALLO DE CAMPO I
Roteiro polos lugares da memoria en Lousame
Xerardo Agrafoxo Pérez, investigador da memoria histórica
14.00 Almorzo (xantar)
16.00 TRABALLO DE CAMPO II
Roteiro polos lugares da memoria en Lousame
Xerardo Agrafoxo Pérez, investigador da memoria histórica
Avaliación do seminario, conclusións e clausura
O Seminario contará coa presenza de Fernanda Cedrón, neta do Gardarríos, e asistirán tamén outros
familiares de persoas que foron represaliadas.