Catro persoas, polo menos tres deles menores de idade, morreron nun incendio rexistrado no número 6 da rúa Afonso X O Sabio de Vigo, nas inmediacións da praza América, que tamén deixa nove feridos polas lapas, entre eles un bombeiro. Todo apunta a que o lume foi provocado por un veciño.
Catro menores de idade morreron e oito persoas resultaron feridas e foron trasladadas a diversos centros hospitalarios por un incendio esta madrugada nun edificio en Vigo, no número 6 da rúa Alfonso X o Sabio.
Segundo comunicou á primeira hora deste mércores 112 Galicia, están a traballar no lugar Emerxencia Sanitaria de Galicia-061, os Bombeiros de Vigo, Policía Nacional e Policía Local. Tamén se informou aos psicólogos do Colexio Oficial de Psicoloxía de Galicia, especializado en emerxencias graves.
Ao redor de dez persoas foron trasladadas a centros sanitarios por inhalación de fumes e outros danos persoais. Ao resto de persoas afectadas polo incendio atendeullas desde os servizos sociais e de emerxencias, búscaselles un realoxamento e recibirán atención durante o día.
