A sección sexta da Audiencia Provincial, con sede en Santiago de Compostela, acollerá este mércores un xuízo contra un veciño de Ribeira por posuír e difundir pornografía infantil. O Ministerio Fiscal considera que os feitos constitúen un delito de prostitución e corrupción de menores, polo que solicitan unha pena de oito anos e medio de prisión.
O caso saíu á luz por mor dunha investigación realizada no Xulgado de Primeira Instancia e Instrución número 1 da Coruña. Nas dilixencias descubriuse unha dirección IP, pertencente ao acusado, a través da que se distribuíron arquivos con contido pornográfico infantil. Ase mesmo no rexistro do domicilio do ribeirense, interviuse un disco duro externo e dúas memorias USB nos que acumulaba mais de 800 arquivos compartindo ata catorce deles con outros usuarios.
O Ministerio Público solicita a pena de oito anos e medio de cárcere para este veciño de Ribeira e a súa inhabilitación durante 15 anos para calquera actividade que implique un contacto directo con menores de idade.
