O 112 Galicia tivo constancia deste accidente ás 0:30 horas da madrugada, a través da chamada dun particular: unha persoa sufriu un accidente co seu quad, quedando este envorcado. Segundo comunicaba o alertador, o implicado permaneceu consciente en todo momento, aínda que precisaba asistencia sanitaria urxente. O incidente aconteceu no lugar de Ourille en Rianxo.
Rapidamente, desde o 112 Galicia informouse a Urxencias Sanitarias de Galicia-061, aos Bombeiros de Boiro, á Garda Civil de Tráfico, ao GES de Noia e á Policía Local e Protección Civil de Rianxo.
O persoal sanitario encargouse finalmente da súa evacuación ao Complexo Hospitalario Universitario de Santiago.
