A Área de Cultura do Concello de Rianxo compartiu a súa axenda de actividades para esta última fin de semana de agosto, actividades que se complementan coas realizadas por outras entidades culturais con base no termo municipal. O programa inclúe o concerto de Sés en Taragoña (Paisaxes Sonoras), a inauguración da mostra Xoias no ceo ou a festa de fin de verán cos Bolechas organizada pola ARE.
VENRES 25 DE AGOSTO
- 20:00 h. Porto de Taragoña – SÉS EN CONCERTO . Concerto no marco do programa PAISAXES SONORAS, promovido pola Mancomunidade Barbanzarousa.
VENRES 25 DE AGOSTO
- 21:00 h. Auditorio de Rianxo – Apertura da exposición XOIAS DO CEO e posterior OBSERVACIÓN ASTRONÓMICA Actividade organizada en colaboracion co Observatorio Astronómico Ramón María Aller da Universidade de Santiago de Compostela.
SÁBADO 26 DE AGOSTO
- A partir das 12:00 horas . Campo de Maneiro – Taragoña – ROMARÍA FIN DE CAMPAMENTO. Unha proposta para gozar en familia con xogos, inchables e obradoiros, en horario de 12.00 a 14.00 h e de 16.00 a 19.00 h.Ademais das actuacións de As Armadanzas (As Armadanzas bailan coa lingua), ás 17.00 h, e da Gramola Gominola O poder da lingua, ás 19.00 h ao abeiro da programación da Rede Cultural da Deputación da Coruña.
SÁBADO 26 DE AGOSTO
- A partir das 13:00 horas . Contorna do Centro Cultural Vicente Vidal de Leiro – ROMARÍA ANUAL con Xantar, música e xogos populares, organizada polo CC Vicente Vidal.
SÁBADO 26 DE AGOSTO
- A partir das 19:00 horas . Praza de Castelao – ATA LOGO VERÁN !. Unha proposta organizada pola ARE con inchábeis, obradoiros, karaoke e Correrrúas cos Bolechas polas diversas rúas da vila.
