A praza de Castelao de Rianxo vai acoller este sábado 5 de agosto un espectáculo de música e baile tradicional encadrado no ciclo Danza 3 – De Rúa, impulsado dende a Xunta de Galicia (Consellería de Cultura) e as agrupacións Xacarandaina, O Fiadeiro e Cantigas e Agarimos, coa colaboración do Concello de Rianxo. Trátase de reivindicar a danza e música tradicionais de Galicia. A cita será ás 20.30 horas do sábado na praza de Castelao.
Máis información na web de O Fiadeiro.
Esta actuación enmárcase dentro da serie de espectáculos de música e baile tracicional, Danza 3 – De Rúa, na que O Fiadeiro fará un repaso do seu amplo repertorio musical e de baile, nunha proposta artística preparada especialmente para cada espazo e a través da que se busca implicar o público asistente, “de xeito que cada función é única e espontánea”, explican.