Noia vai ser a capital galega do jazz esta fin de semana. O motivo non é outro que a celebración dunha nova convocatoria do seu festival Jazz Noia, que comezou onte e que prosegue até o sábado 12 de agosto. O cartel, realizado por José Luis Veiras Manteiga e presentado polo concelleiro de cultura, José Pérez e o director artístico, Kin García, desenvólvese integramente na praza da Constitución a partir das 21:30 horas, contando cun feixe de artistas de prestixio nacional e internacional.
O programa incluirá tamén unha clase maxistral de improvisación no Coliseo Noela. Será o sábado ás 12:30 horas impartida por Antonio Serrano.
Programación
Xoves 10. Sumrrá e Gabi Triana Cuarteto
Venres 11. Iago Fernández Sexteto e Jesús Bachiller Sexteto
Sábado 12. Antonio Serrano + Kin García Trío (homenaxe a Toots Thielemans) e Fredoom (homenaxe a Aretha Franklin)
Sábado 12. 12:30. Teatro Coliseo Noela. Clase maxistral de Antonio Serrano
