Onte, ao fío das 23:45 horas, un varón foi trasladado ao Hospital do Barbanza despois de ser alcanzado por un camión na Rúa Canarias, próximo ao mercado municipal, no concello coruñés de Ribeira.
Foi un particular quen chamou ao 112 para solicitar axuda para o ferido, que foi alcanzado polo vehículo de transporte cando estaba na beirarrúa. Como consecuencia do impacto, o home sufriu un golpe forte na cabeza e parecía necesitar asistencia sanitaria urxente.
Así, os xestores do 112 Galicia solicitaron a intervención dos profesionais de Urxencias Sanitarias de Galicia-061, dos Bombeiros de Ribeira, dos membros do GAEM de Ribeira e tamén dos axentes da Policía Local.
Foi necesaria a coordinación entre os distintos equipos de emerxencia para inmobilizar ao ferido e trasladado en seguridade ata a ambulancia.
