Este xoves 24 de agosto a capela do Carme do Cabo de Cruz vai acoller un espectáculo clown para a rapazada, a partir das 20.30 horas. Trátase de Malabaridades, un show de malabares e acrobacias de Fran Boza para público infantil e familiar. Organizan o Concello de Boiro a Deputación da Coruña.
Fran Boza é unha das grandes promesas do panorama galego clown e circense. Bolas, mazas, rulo… Ningunha técnica se lle resiste a este portento do circo clásico e os malabares. E fáinolo saber en Malabaridades, un espectáculo que mestura as rutinas de circo coa dose precisa de humor. Fran enfróntase a un espectáculo dunha alta esixencia técnica no que deixará máis dunha boca aberta.
