A Festa Hortera de Porto do Son será un dos grandes puntos quentes da axenda festiva galega desta fin de semana de agosto. Celebrarase o días 3, 4 e 5 de agosto e promete ser, novamente, o principal marco de referencia da vertente charramangueira que todas e todos, en maior ou menor medida, levamos dentro. O programa vén con novidades moi importantes, sendo a homenaxe á mítica cantante recentemente falecida Tina Turner o principal fío temático da axenda (o tributo á intérprete de Simply the best, alma mater da celebración nas súas anteriores edicións, reflectirase nas actividades convocadas e, tamén, nos atavíos de boa parte das persoas participantes).
O programa complétase con concertos, baños de escuma, concursos de propostas charramangueiras e fogos de artificio. A festa comezará xa o día 3 de agosto, con actividades para a rapazada na praza de España (photocall, carreiras de tacóns e un concurso de karaoke). O venres abrirá cunha sesión vermú a cargo de Leite con Jalletas e, pola noite, está previsto un desfile charramangueiro amenizado por Paco de Leña e máis tarde por Malditos Pendejos. O sábado arrinca pola mañá cos Pequenos do Barbanza e a feira hortera abrirá as súas portas ás 11.00, con postos de produtos, photocall, obradoiros de globoflexia, inchábeis e un búfalo mecánico. Actuarán a charanga Os Pendellos e a banda Leite con Jalletas. De homenaxear a Tina Turner a todo trapo encargarase DJ Geno. Logo será a quenda de DJ Gabri e dun concurso de playback e unha sesión de fotos artificiais.
A Festa Hortera conta coa colaboración do Concello sonense.
