A concelleira de Cultura, María Outeiral, participou esta mañá na inauguración da mostra pictórica Lembranzas de Francisco Pena. O autor estivo acompañado da súa familia e explicou os seus inicios na pintura e os distintos cadros que compoñen a mostra.
A exposición, que se pode visitar na Casa da Cultura ata o vindeiro 11 de agosto, recolle pinturas moi persoais do artista como son algunhas da súa familia e da súa terra natal, Cabo de Cruz, así como outros cadros de recordos e escenas do cotiá que foi pintando ao longo dos anos.
