No traballo no mar, tanto no transporte marítimo como no sector pesqueiro e, en boa medida, na navegación deportiva e mesmo na Armada, as siglas OMI (Organización Marítima Internacional) teñen unha fonda significación. De xeito especial cando, como acontece actualmente, no seu 75 aniversario, se avían as celebracións o 26 de setembro de 2024 do Día Marítimo Internacional, data que xa ten aprobado o que será o seu lema: “Navegar no futuro: a seguridade, o primeiro”, un lema que reflicte o labor da Organización Marítima Internacional na percura de mellorar a seguridade e a proteción marítimas xunto coa proteción do medio mariño, fomentando ao mesmo tempo que o seu proceso de desenrolo regulamentario se anticipe con seguridade ao rápido ritmo de cambio tecnolóxico e a innovación.
Creada en 1948 o obxectivo fundamental da OMI foi sempre a seguridade, con especial adicación a se anticipar aos cambios de adaptación ás tecnoloxías emerxentes e á innovación.
En 2024 cumpriranse os primeiros 50 anos da adopción do convenio SOLAS de 1974, o principal tratado do mar que regula a seguridade marítima.
A dixitalización e a automatización son pasos que revolucionaron o sector do transporte marítimo grazas ás novas tecnoloxías, a protección e a eficiencia, que optimizan o rendemento e o impacto medioambientaL ao tempo que garante a sostibilidade.
Deste sector emana a eficiencia e a competitividade do transporte marítimo, porque as novas tecnoloxías afectan directamente á xestión dos buques de xeito máis eficiente na manipulación da carga, redución de custos e mellora da satisfación do cliente.
O transporte marítimo representa o 90% do comercio mundial e ven ser o modo de transporte menos prexudicial para o medio ambiente.
O lema “Navegar no futuro: a seguridade, o primeiro” inclúe a avaliación de riscos para a seguridade que conleva a introdución de tecnoloxías novas e adaptadas e de combustibles alternativos, así como a elaboración de medidas regulamentarias para facer fronte a eses riscos e, en última instancia, mitigalos.
