O socialista José Ramón Romero García renovou esta tarde o seu cargo como alcalde de Boiro para o mandato 2023-2027 con maioría absoluta gracias aos nove votos do seu grupo. O Pleno de investidura tivo lugar este venres ás 21.00 horas na Casa Consistorial de Boiro.
O alcalde deu a benvida á corporación aos novos concelleiros e concelleiras e tamén a todos aqueles que repiten “estou seguro de que, dende o goberno e a oposición, van facer un gran traballo por Boiro e os
boirenses nestes catro anos que nos quedan por diante”. Romero dirixiuse tamén á veciñanza que “puxo en min e no meu equipo o seu apoio para seguir sendo o alcalde de Boiro”.
Na súa intervención tivo tamén unhas palabras de agradecemento para o seu equipo “que me acompañou estes catro anos neste camiño de dedicación ao pobo de Boiro” e tamén renovou o seu compromiso e “mellorar a calidade de vida da xente de Boiro”.
CORPORACIÓN MUNICIPAL 2023-2027:
Grupo municipal do PSdG-PSOE (9 concelleiros/as)
- José Ramón Romero García
- Luis Ruiz Laíño
- María Outeiral Campos
- Marcos Fajardo Outeiral
- Olga González Blanco
- Raúl Romero Treus
- Roberto Lojo García
- Carmen Silva Rodríguez
- Francisco Bermúdez Alonso
Grupo municipal do PP (5 concelleiros/as) - Fernando Manuel García Diéguez
- Manuel Romero Vázquez
- María Macarena Blanco Sanisidro
- Juan Antonio Moledo Eiras
- Grupo municipal do BNG (2 concelleiros/as)
- Raquel Suárez Regades
- Patricia Silva Fajardo
Grupo mixto / Boiro Novo (1 concelleira)- Dores Torrado Ares
