O Partido Popular de Galicia fixo unha valoración moi positiva das Eleccións Xerais deste domingo 23 de xullo, nas que foi quen de aumentar en 3 deputados as cifras conseguidas en 2019, acadando 13 dos 23 escanos que estaban en xogo nas catro circunscricións. En palabras do presidente Alfonso Rueda,” o PP gañou claramente as eleccións en España e cunha maior intensidade mesmo en Galicia”. Tamén dixo que “os populares obtiveron unha clara vitoria en Galicia, co o 43,5% dos votos e máis de 696.000 sufraxios en total”.
Lembrou asemade que o seu partido obtivo na comunidade “todos os senadores posíbeis, doce, e 13 deputados dos 23 posíbeis. Na súa opinión, estas cifras demostran “que os galegos responderon á discriminación» exercida polo Goberno central cara a Galicia durante os últimos anos”. Máis do 43% dos electores, dixo, recolleron esa mensaxe.
