Á fronte do Goberno municipal traslas eleccións municipais de maio, Rianxo en Común, quería contar durante este mandato coa dedicación absoluta do alcalde, Julián Bustelo, e outras tres parciais proposta que foi rexeitada pola oposición no pleno celebrado o xoves.
O executivo poñía en valor que o gasto anual reducíase un 20 % —sobre 27.000 euros—, pero Bustelo sinalou tras o pleno que os restantes partidos consideraron que con esa organización non ían poder atender o traballo.
A proposta consistía en manter para o rexedor a retribución de 45.000 euros brutos anuais que tiña o seu antecesor. No caso das tres parciais, Julián Bustelo concretou que introduciron algúns cambios. Así, as horas de traballo pasarían das 15 semanais do goberno anterior a 20 e o soldo incrementaríase ata os 17.000 euros brutos anuais. A redución do gasto neste capítulo viría dada pola eliminación dunha dedicación exclusiva con respecto ao mandato 2019-2023.
O final a oposición botou abaixo a proposta dunha dedicación absoluta e tres parciais de Rianxo en Común
O feito de que a proposta non saíse adiante obriga a convocar outra sesión e o rexedor xa adiantou que volverán manter encontros con todos os grupos políticos.
