Este 22 de xullo van dar comezo as Festa de Outes, edición 2023. Farano ás 13.00 horas na Horta do Muíño, cun Encontro de Escolas de Música Tradicional que contará coa presenza da Escola do Música Tradicional do Concello de Outes, a Asociación Cultural A Fuliada de Betanzos e o Grupo Folclórico Hai que Roelo de Cuntis. Na mesma xornada haberá verbena pola noite, na praza do Bosque ás 23.00 horas, a cargo da orquestra Los Españoles. A xornada seguinte, Día de San Cristovo, arrincará cunha ruada a cargo de Os Jaitas Blue e proseguirá cunha misa cantada pola coral Pedra Xarpal (ás 11.00 horas no parque da Cruz). Ao remate da misa sairá a caravana de vehículos até O Freixo. Ao xantar haberá unha sardiñada na Horta do Muíño e pola noite un concerto a cargo de Capitol e Disco Móvil Chocolate (a partir das 22.30 horas na praza do Bosque).
O 24 de xullo (A Milagrosa) comeza cunha ruada de Agrocovo e prosegue cunha misa cantada pola coral O Peirao do Freixo, na capela da Serra a partir das 12.00 horas. Pola noite actuará A Roda ás 22.30 horas na Horta do Muíño, e logo a orquestra América (a partir das 0.00) na praza do Bosque. O 25 de xullo comeza cunha ruada a cargo da Banda de Música Municipal de Outes. Ás 12 haberá unha misa cantada na capela da Serra, a cargo da Coral Francisco Añón. Pola noite (ás 21h na Horta do Muíño) actuará a Banda de Música de Outes e logo (ás 22) Os Trobeiros da Ponte.
Haberá polbeira todos os días.
