Esta primeira semana de xullo comezaron as actividades do Campamento de Verán de Rianxo, que vén cun servizo extra de conciliación (o Plan Madruga Rianxo 2023) para botar unha man ás familias que máis precisan atopar alternativas de lecer para rapazada durante este verán e con formato de horario estendido. O Campamento de Verán desenvólvese no IES Félix Muriel, no CEIP Ana Mª Diéguez de Asados e no CEP Brea Segade de Taragoña. Participan nesta edición máis de máis de 240 rapaces e rapazas de entre 4 e 11 anos. O Campamento realizarase do 3 de xullo ao 25 de agosto, en horario de 10.30 a 13.30 h. Conta, como dixemos, con Plan Madruga dende as 08.00 h.
Comezaron en Isorna os obradoiros de tecnoloxías para maiores de 55 anos impulsados por Cibervoluntarios e o Concello de Rianxo
Esta semana celebrouse a primeira sesión dos obradoiros de uso de aplicacións móbiles para persoas maiores de 55 anos organizados polo Concello de Rianxo, ao abeiro do seu convenio recente coa Asociación Cibervoluntarios. Nestes obradoiros, gratuítos para a veciñanza,...