En Rianxo unha colisión de coches deixa un ferido grave, que tivo que ser trasladado en helicóptero ao Hospital Clínico. O accidente tivo lugar uns minutos despois das 15:00 horas desta tarde. Foi a Policía Local de Rianxo quen contactou co 112 Galicia para alertar dos feitos.
Dous vehículos chocaron frontalmente no quilómetro 13 da AC-305 en Rianxo e unha das persoas implicadas no sinistro tivo que ser trasladada en helicóptero ao CHUS, debido á gravidade do seu estado mentres que a condutora do outro turismo tamén foi evacuada ao centro compostelán, nesta caso en ambulancia.
Os bombeiros boirenses tiveron que intervir para excarcerar á vítima que finalmente tivo que ser trasladada en helicóptero, xa que non podía saír polos seus propios medios do vehículo. A outra ferida no sinistro estaba accesible e liberada. Ambos os implicados son veciños de Rianxo.
Dotación de bombeiros do Consorcio Provincial Contraincendios e Salvamento da Coruña con base en Boiro intervindo en accidente en Concello de Rianxo. Bombeiros Boiro
Por outra banda, durante a mañá produciuse unha colisión por alcance en Porto do Son, na AC-550 ao seu paso por Miñortos.
Neste caso resultou ferida unha persoa que foi trasladada en ambulancia ao hospital de Barbanza. Ao momento acudiron o GES de Noia, Urxencias Sanitarias, Policía Local e Protección Civil do municipio, a Garda Civil de Tráfico e persoal do mantemento da estrada.
