Este domingo atracará en Rianxo a iniciativa Un mercado en cada porto, dende o mediodía ata as 20:00 h. no Campo de Arriba .
Trátase dunha iniciativa organizada por ONyVÁ! para axudar a impulsar marcas emprendedoras, lideradas por mulleres artesás da nosa terra e colaborar con outros proxectos que axudan a dar emprego a mulleres vítimas de violencia machista, como Apotheca.
Inclúe un mercado itinerante, liderado por mulleres creativas, que á súa vez abrangue unha mostra fotográfica de retratos de redeiras, oleiras, palilleiras, cesteiras e outros colectivos, mulleres, en definitiva, que colleron a remuda das súas nais e avoas para seguir mantendo vivos os oficios máis antigos da nosa cultura.
