“Romaría” – Xulio Xiz

02 Xuño 2023

Pasei os Milagres sitiado polo fervor que se traduce na riada de automóbiles a Saavedra, con aparcamentos inverosímiles fóra dos amplos espazos dispostos para os cabalos de catro rodas.

O remate da festa coincidiu coa xornada electoral onde todo parecía posible, e resultou un cúmulo de imposibles, que cristalizou en mareas vivas ou mortas, azuis ou vermellas, precursoras de pactos naturais ou forzados, que os afectados entenden como a mellor lección da democracia.

Pasou a clamorosa romaría efervescente para que valoremos mellor a paz que reina durante o resto ano. Pasou a festa democrática para comprobar de novo que hai razóns políticas que o votante non entende; que hai votos que non encaixan na razón política; que hai razóns que a política ignora.

Ninguén como un alcalde de pobo para saber de que vai isto. Ninguén coma unha comisión de festas para saber o son ao que quere bailar o seu pobo. Ninguén coma o votante para saber de onde sopra o vento. Ninguén coma un político para conseguir que o beneficie o resultado. Na festa, pasou o día e pasou a romaría. A romaría na política continúa, como unha cicloxénese explosiva, e se para os que seguimos a procesión desde fóra o tema nos parece apaixonante, provocador, para os que levan o santo ou as andas, para os que ofician ou comungan, que cantan ou aplauden, agora é cando empeza a verdade, a realidade, os equilibrios… para os que pasamos os apuros da festa, o descanso; para os que viven perigosamente, equilibristas sen rede, o tempo da verdade. “Que por maio era, por maio, cuando hace la calor”, di o Romance do Prisoneiro. Pois agarda que chegue o mes de xullo, e xa verás.

— 

Outros artigos

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....

+

“Medallas Castelao”. Alberto Barciela

A Medalla Castelao é unha condecoración civil outorgada polo Goberno de Galicia. Proponse distinguir a obra artística, literaria, intelectual ou calquera outro tipo de obra dunha distinguida personalidade galega. Foi creada en 1984 con motivo da volta a Galicia dous...

+

Publicidade

Revista en papel

Opinión

“¿Qué es la vejez?, pros y contras” – Manuel Domínguez

“¿Qué es la vejez?, pros y contras” – Manuel Domínguez

La vejez es el abandono de la juventud, pero tampoco así es muy cierto ya que hay jóvenes viejos. La doble foto que muestro es de los actores Anouk Aimée y Jean Luis Trintignant, del film, “Un hombre y una mujer”, la inferior 50 años después, titulada” Los años mas...