O Concello de Boiro reforza a seguridade durante as Festas de Verán que comezan este venres 30

29 Xuño 2023


O Concello de Boiro celebra as Festas do Verán 2023 entre este venres 30 de xuño e o 5 de xullo e co obxectivo de “coordinar a seguridade e organización durante os festexos” celebrouse esta semana unha xunta de seguridade onde se estableceron os medios e dispositivos especiais con motivo das celebracións.

En canto aos cortes de rúa, para a instalación das atraccións das festas estará cortada para o montaxe, desmontaxe e desenvolvemento dos festexos unha das marxes da avenida da Constitución no treito comprendido entre o cruce da avenida da Avellaneda (rotonda da piscina municipal) e o cruce coa DP-1106 (rotonda de Abanqueiro).

O carril de baixada cortarase todos os días das festas, como norma xeral ás 20.00 horas, podendo producirse os cortes de rúa antes debido á gran afluencia de xente, estando permitido o acceso aos garaxes. O mesmo acontece coa rúa Robustiano Pérez del Rio, que quedará cortada a partir das 20.00h agás para acceso a garaxes, aparcamento municipal e taxis e a av. de Barraña, onde desviarase o trafico que provén de Cabo de Cruz pola rúa María Mariño a partir das 20.00 horas.

En canto ao tráfico pesado que vén de Cabo de Cruz, non terá permitido o paso polo núcleo urbano polo que tamén se desviará pola rúa María Mariño e avenida da Avellaneda. A rúa Vimieiro terá un cambio de sentido para o acceso aos garaxes dos edificios da zona e o domingo, con motivo do espectáculo pirotécnico na av. de Barraña, non se poderá estacionar no tramo da av. da Avellaneda comprendido entre a av. Empresario Jesús Alonso e a praia de Barraña.
Polo que respecta á parada de autobús situada na Cachada trasládase durante a celebración dos festexos á avenida da Avellaneda.

O Concello de Boiro reforza o dispositivo de seguridade e emerxencias durante as festas do verán para “minimizar as incidencia”s. A Policía Local contará con servizo 24 horas durante os festexos, contarase coa colaboración da Gardia Civil, o Servizo de Protección Civil e Emerxencias, ambulancia e bombeiros.

Programa das festas
O programa de actividades comeza este venres 30 de xuño e prolongarase ata o mércores 5 de xullo con espectáculos e actividades para todos os públicos. As actividades comezan ás 20.00 horas coa charanga TNT que percorrerá as rúas de Boiro e ás 22.00 horas terá lugar o pregón inaugural a cargo do tecido cultural boirense. A festa continúa coa orquestra La Principal na praza de Galicia, Familia Caamagno na praza do Centro Social e Remember Fest con Peñas Boiro na Cachada.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Lisboa, luz cosmopolita”. Alberto Barciela

“Lisboa, luz cosmopolita”. Alberto Barciela

En apariencia, lo único que vemos de la ciudad es lo que la ciudad nos muestra. Lisboa es traslúcida, se da toda en su generosa actitud para quien se predispone a admirarla, para los que abren sus brazos con el fin de abarcar un pequeño pleno universo cosmopolita,...