Este domingo toca calzarse as botas en Ribeira, máis concretamente para participar na Andaina á Ermida de San Alberto, que, ademais de permitirnos coñecer a capela do monte do mesmo nome (coas súas impresionantes vistas de Ribeira e a ría), axudaranos a coñecer mellor os tesouros culturais e medioambientais do concello, como petróglifos, congostras de mámoas.
Será este domingo 25 de xuño, con saída do estacionamento do punto limpo de Xarás ás 10.00 horas. A ruta terá un percorrido de 10 quilómetros e farase a “ritmo lento” con paradas breves. A dificultade é moderada (con algunhas subidas “duras”). Rematarase aproximadamente tres horas despois da saída, sobre as 13.00 horas. Abaixo, no cartel, podemos ver o enderezo do formulario web para facermos a inscrición. Organiza a Asociación de Veciños de Carreira en colaboración co Concello de Ribeira.
