Rianxo vai acoller ás portas do verán unha festa solidaria a prol da Asociación Galega de Fibrose Quística. Organizada pola Ludoteca Agarimo coa colaboración do Concello de Rianxo, celebrarase o venres 9 de xuño, de 16.30 a 19.30 na praza da Virxe de Guadalupe.
Todas as actividades e ingresos irán destinados integramente á Asociación Galega Fibrose Quística.
Haberá unha gran variedade de actividades, por exemplo inchábeis, música, globoflexia, pintacaras, xogos xigantes e pintura.
A entrada para participar nesta festa solidaria ten un custe de 8 €, e é necesario portar unha pulseira identificativa para acceder ao evento. Dende a organización recomendan facer unha reserva anticipada antes do martes 6 de xuño na Ludoteca Agarimo.
